Gure ikuspegia: LEADER metodologia
Gure elkarteak egindako lanak Nafarroako Mendialdean bizi eta lan egiten duten pertsonen bizi-kalitatea hobetzen laguntzen du.
Hau da orain dela 35 urte hasi genuen eta denborarekin hobetuz joan den bidea, norberaren nortasuna defendatuz, dibertsifikazio ekonomikoa bilatuz, enpresa tradizionalak hobetuz eta jarduera berriak sortuz.
LEADER lan-metodologia aplikatuta, gure lan-estrategia balio hauetan oinarritzen da: «lurraldea», parte-hartzea, lankidetza, aukera-berdintasuna eta genero-berdintasuna:
- Cederna Garalur Elkarteak eremu espezifiko batean egiten du lan, «Nafarroako Mendialdean». Eremu honek eskualde bakoitzeko tokiko garapenaren erronkak eta aukerak zehazten dituzten ezaugarri (fisikoak, gizatiarrak, paisajistikoak eta ondareari lotutakoak) propio eta bereizgarriak ditu.
- Tokiko Ekintza Talde gisa, Cederna Garalur Elkarteak “bottom-up”ean oinarritutako LEADER lan-metodologia aplikatzen du; hau da, Elkarteak proposatutako epe luzerako estrategiak tokiko beharretatik sortzen dira, eta, aldi berean, eskaera horiei erantzungo dieten proiektuak eta ekimenak martxan jartzeko esparru gisa balio dute.
- Cederna Garalur Elkarteak Nafarroako Mendialdeko herritarrek, enpresek eta erakunde publikoek parte hartzeko foro egonkor eta iraunkorra eratu du, lurraldearen ezagutza bilduz.
- Cederna Garalur Elkarteak, bere lanaren bidez, toki-, eskualde-, estatu- eta Europa-mailako lankidetza sustatzen du, toki-garapenerako eragile gisa.
- Cederna Garalurrek konpromisoa du Nafarroako Mendialdeko aukera-berdintasunarekin eta, zehazki, landa-eremuko emakumeekin.
Gure helburuak
Balio horiekin, gure azken helburua «Nafarroako Mendialdearen garapen endogeno, jasangarri eta harmonizatua suspertzea» da:
- Garapen endogenoa, gure eskualdeetako baliabide ekonomikoak, naturalak, kulturalak eta giza baliabideak aprobetxatuz.
- Garapen jasangarria, ingurumenari eta ekonomiari dagokionez, baliabide endogenoen erabilera adimentsu eta berritzailearen bidez tokiko ekonomia bultzatuz, gizarte- eta ekonomia-sarea indartuz, biztanleriaren galera saihestuz eta Nafarroako iparraldeko landa-eremuen bideragarritasuna ziurtatuz.
- Nafarroako Mendialdeko eskualde guztien garapen harmonizatu eta solidarioa, esperientzien trukaketa erraztuz eta esku hartzeko elementu komunak identifikatuz.
Gure lan esparruak
Helburu horiek lortzeko, Cederna Garalurrek bost esparrutan egiten du lan:
- Ekintzailetza eta enpresen sendotzea.
- Tokiko nekazaritzaren sektorea indartzea.
- Turismo jasangarria.
- Energia.
- Toki-garapeneko estrategiak.
- Parte-hartzea eta aukera-berdintasuna.
Lan-esparru horiek LEADER-en “behetik gorako” ikuspegia islatzen dute, bai eta gure elkartearen balioak ere: gure lanaren oinarria diren parte-hartzea eta aukera-berdintasuna eta Nafarroako Mendialdeko baliabideak, lehen sektoretik edo basogintzatik hasi eta merkataritza eta industriaraino, tokiko ondaretik igarota, enplegua eta enpresa-sarea finkatzeko oinarri bilakatzea, tokiko biztanleria landa eremuan mantendu eta herritar berriak erakartzeko beharrezkoak diren aukera berriak sortzeko. Maila altuago batean, erakunde publikoek herritarrei eta enpresei zuzendutako tokiko eta eskualdeko azpiegiturak eta zerbitzuak hobetzen dituzte.