Erronka batzuk izan daitezke landa-eremuetan abiadura handiko Interneterako sarbiderik ez izatea, langileak teknologia berrien erabileran trebatzea, irtenbide digitalak ezartzeko behar den hasierako inbertsioa, eta negozioak egiteko moduan gertatzen ari den kultura-aldaketara egokitzea.

5 Wek ezarriko duzun edozein helbururi buruz egin beharreko bost galderak jasotzen dituzte. Funtsezkoa da bost galdera horiei erantzuten jakitea, gure marketin-ekintzekin bete-betean asmatzeko, eraginkortasunez komunikatzeko eta hedabideen interesa pizteko. Merkatu-azterketa baten xedea da erabakiak hartzea erraztea; zure jardueraren inguruko guztia hartzen du kontuan, baita jarduera hori garatzen den testuingurua, lehiakideen azterketa eta bezero ideala ere, besteak beste.

ZER – WHAT

NORK – WHO

NOIZ – WHEN

NON – WHERE

ZERGATIK – WHY

NOLA – HOW

Marka-irudia ez da logotipoa edo anagrama bakarrik; zure markaren irudi orokorra osatzen duten elementu guztien multzoa da. Marka-irudiaren elementu batzuk dira:

– logotipoa edo anagrama

– tipografia

– koloreak

– testuak/mezuak

– estilo-gida

– argazkiak/irudiak

Eta abar, eta abar

Horri guztiari deitzen zaio ikusizko unibertsoa; lehen begiratuan, zure marka ezagutzea lortzen duen elementu-multzoa. Elementu horiek markaren erabilera-eskuliburuan edo Ikus Irudi Korporatiboaren Eskuliburuan jaso ohi dira.

Iruzurtiaren sindromea lortutako lan-arrakastak barneratzea eragozten duen nahasmendu psikologikoa da. Lortutako lan-arrakastekin lotutako ziurgabetasun-sentsazioari edo -egoerari egiten dio erreferentzia. Gure aldarteari eta profesionaltasunari eragin diezaioke. Aldaketa handia ekar dezake identifikatu eta konponbidea jartzen bazaio.

Marketinak, edukien marketinak eta ads-ek zure bezeroek zu top of mind gisa edukitzea eragiten dute; hau da: bezeroaren erabakiak hartzeko prozesuaren lehen postuetan egotea, edo produktu nahiz zerbitzuen kategoria horretan erreferentziazko marka izatea. Zapatila-marka batean pentsatzeko ariketa egiten baduzu, ziur aski hainbat marka etorriko zaizkizu burura; hori da «zapatilak» produktu-kategoriari dagokion zure top of mind-a.

Marketina zure produktu edo zerbitzuaren eta azken bezeroaren arteko guztia da. Tradizionala nahiz digitala izan daiteke. Marketinaren zutabeetako bat komunikazioa da, eta hor sartzen da edukien marketina jokoan. Zure edukiak ikusten dituzten eta jarraitzen zaituztenentzat interesgarriak eta baliagarriak diren edukiak sortu, zure kanaletan komunitate propioa sortzeko helburuarekin. Internet bidez zure produktu edo zerbitzua bezerogaiei helarazteko, ads-ak daude; funtsean, Interneteko iragarkiak dira.

Ez al diozu inoiz galdetu zure buruari web-orrialdeetan ikusten duzun edukia negozioaren sustatzaileak berak idatzi ote duen? Izan ere, badaude publizitatea idazten duten aditu profesionalak; sektorean, copywriterrak esaten diegu. Testuak salmentara bideratzeko eta bezeroak konbentzitzeko moduan egokituko ditu. Testuak idazteko aliatu ezin hobea da, sormena eta konbentzitzeko gaitasuna falta direnean. Gure bezerogaiei gure bezero idealak balira bezala hitz egin behar diegu. Profila identifikatzeak eta hura ezagutzeak bezeroaren beharrak eta harengan eragina izan dezaketenak zein diren ulertzen lagunduko digu, baita haren hizkuntza bera erabiltzen ere.

Web-orrialdea lineako espazioa da; bertan, besteak beste, zer egiten duzun, nor zaren, zure kokapena eta zurekin harremanetan jartzeko modua azal ditzakezu. Erosteko aukera ematen duen espazio digitala da lineako denda edo e-commercea. Salgai dauden produktu-kopuruaren arabera, aurrekontua aldatu egiten da. Ez da gauza bera 10 produktu-fitxa izatea edo 1.000 izatea. Ordainketa-pasabide seguru bat behar da, zure bezeroek ordainketa linean egin ahal izan diezazuten.

Newsletter bat zure lineako kanalen bidez harpidetu diren pertsonei bidaltzen diezun posta elektronikokoa da. Maiztasun jakin batekin bidaltzen da, zure jardueren, deskontuen, promozioen edo harpidedunentzat interesgarri den informazioaren berri emateko.

Zer ekarpen egin diezaioke Facebookek nire negozioari?

Branding. Facebook baliabide bikaina da markaren ezagutza areagotzeko. Enpresaren eta bezero potentzialen arteko harremanetarako gune nagusia izan daiteke.

Bezeroarekiko konpromisoa. Aplikazioak erabiltzea promozioak, lehiaketak eta ekitaldiak komunikatzeko modu eraginkorra izan daiteke.

Izen ona kudeatzea. Tresna erabilgarria izan daiteke erabiltzaileek enpresari eta haren markari buruz zer esaten duten jakiteko.

Bezero berriak lortu. Facebookek beste modu batera iritsiko ez ginatekeen kontsumitzaile berriak aurkitzeko aukera ematen du.

Bezeroak atxikitzea. Kontsumitzailearekiko harremana eraikitzeko beste puntu garrantzitsua.

Gizarte-esparrurako sarbidea eta berezko balioa. “Cool” faktore gisa ere ezaguna. Sekula ez dakigu nor ari den Facebook erabiltzen. Adibidez, bezero potentzial batek zure markari, produktuari eta enpresari buruzko ikerketa bat egiten ari dela, Facebook erabiltzen badu eta zure markari buruzko mezu positiboak aurkitzen baditu, horrek zure posizioa eta eragina indartu ditzake.

Efektu birala. Sare sozialetan ahoz ahoko efektua oro baliagarria da.

Atzeraelikadura. Facebook eta eskuragarri dauden hainbat aplikazio erabiltzeak kontsumitzaileen portaera ulertzen lagun dezake, gunean edukiak eta iruzkinak trukatuz.

Zer ekarpen egin diezaioke X-k (Twitter) nire negozioari?

Twitter-i esker, edozein enpresak bere irismena handitu eta bezeroekin (egungoekin zein bezerogaiekin) zuzeneko harremana izan dezake. Harreman horrek honako alderdi hauek erraztu ditzake:

Enpresak bere jarduera-sektorean eta bere eremu geografikoan gertatzen den guztiaren berri izan dezake.

Bilatzaileari esker, erraz aurki daitezke markari buruzko elkarrizketak, eta horietan parte hartuz, bezeroekin zuzeneko harremana izatea errazagoa izanen da.

Markaren ezagutza areagotu eta marketin-estrategien irismena hobetu. Neurri handi batean Twitter Ads-ri esker (Twitter-en publizitate-sarea).

Bezeroen arreta-zerbitzua eman eta hobetu. Hori da abantaila nagusietako bat; izan ere, erabiltzaileen eskaerak denbora errealean, azkar eta zuzenean kudeatzeko aukera ematen du.

Markaren ospea hobetzen du, bezeroaren arreta-zerbitzuaren kalitatea areagotzeari esker.

Bezerogaiengana iritsi. Twitter-i esker, enpresa markaren produktuak edo zerbitzuak erosten interesa izan dezaketen beste bezerogai batzuekin harremanetan jar daiteke.

Markaren aldeko sustatzaileak edo defendatzaileak aurkitu. Horiekiko harremana zaintzeak gomendio bidezko marketina lantzen lagunduko digu, eta, horrela, negozioaren aukerak biderkatuko ditugu.

Influencer edo iritzi-sortzaileekin lankidetzan jardun. Markaren inguruko ezagutza areagotzen, bezerogaiengana iristen eta marketin-ekintzen irismena handitzen lagunduko dute.

Zer ekarpen egin diezaioke LinkedInek nire negozioari?

Helburuak izanen dira zure negozioaren ezaugarri nabarmenenak jendeari modu profesionalean ezagutaraztea eta enpresaren profila eta, ondorioz, bezero izan daitezkeen erabiltzaileen profila nabarmentzea.

Enpresa-orrialde bat sortzeko, zure izen-abizenekin aurrez sortutako profil bat izan behar da. «Produktuak» fitxaren bidez, «Enpresa-orrialdeak» atalera sartzeko aukera izanen dugu.

Kontuan izan behar dugu gerta daitekeela gure enpresaren izena ez izatea bakarra; URL helbideak, ordea, bakarra izan behar du, erabiltzailea dagokion orrialdera zuzenean bideratzeko. Orrialde horretan, ezinbesteko hainbat eremu konfiguratu beharko ditugu. Horien artean daude enpresaren deskribapena, webgunearen URLa eta orrialdearen administratzaileak; LinkedInek ezin izanen dio publikoari erakutsi azken horiei buruzko informazioa. Enpresaren orrialde baten konfigurazioari buruzko xehetasun gehiago lortzeko, bisitatu ondoko esteka: https://www.linkedin.com/help/testing/answer/1693/crear-una-pagina-deempresa-en-linkedin?lang=es

LinkedIn Business

Enpresei eskainitako LinkedIneko atal honen oinarriak lau dira. Horiek ezagutu behar ditugu sare sozial honi ahalik eta etekin handiena ateratzeko.

• Hire (Kontratazioa). Atera etekina munduko hautagai-poltsarik handiena kontsultatzeko aukerari.
• Market (Merkatua). Ireki zure negozioaren ateak nazioarteko merkatuari, eta eman munduko edozein lekutako jendeari zu ikusteko aukera.
• Sell (Salmentak). Salmenta-prozesua denbora errealean monitorizatzeko gaitasuna. Balia itzazu audientziaren aniztasuna eta hedadura zure marka sustatzeko.
• Learn (Ikastea). Erabiltzaile bakoitzaren talentua linean ikasteko eta garatzeko aukera ematen du. Gainera, oso baliagarria da enpleguaren arloan dauden joera berrien berri izateko.

Zer ekarpen egin diezaioke Youtubek nire negozioari?

YouTube erabiltzaileek munduan gehien erabiltzen duten bigarren bilatzailea da. Horrek esan nahi du egunero bideoen inguruan egiten diren bilaketa gehienak bereak direla, Yahoo.com eta Msn.com gisako beste bilatzaile handi batzuk atzean utzita.

Youtube munduan gehien bisitatzen diren orrialdeetatik hirugarrena da. Bideoek Interneten duten arrakastari esker. YouTubek ezin konta ahala bisita jasotzen ditu; beraz, sustapen-aukera bikaina da sustapen-bideoak ahalik eta erabiltzaile gehienenei helarazi nahi dizkieten pertsonentzat, enpresentzat eta bestelakoentzat.

YouTubeko bideoek, oro har, Googleren lehen orrialdean ageri dira, Google YouTuberen jabea baita.

YouTuben, edukiak erabiltzaileek berek sortzen dituzte. Norberaren edukiak eta mezu pertsonalizatuak sortu eta jende kopuru handi bati helarazteko aukera ematen du. Gaur egun, diru-sarrera berriak sortzeko aukera ematen duen publizitate-sustapen baten aurrean gaude.

Bideoak YouTubera igotzea

Hona hemen bideoak YouTubera igotzeak duen garrantziaren inguruko zenbait gako-puntu:

Bideoak YouTubera igotzeak ikusgarritasun handiagoa lortzen lagunduko dizu, eta marketin eraginkorra egiteko aukera bikaina emanen dizu.

Nahi adina bideo igo ditzakezu YouTubera, eta guztiz doakoa da.

YouTube munduko bideo-plataformarik handiena da, eta webgune askok YouTubeko edukia hartzen dute erreferentziatzat; horri esker, ikusgarritasun handiagoa lortzeko aukera izan dezakezu.

YouTubeko trafikoa hazten ari da, eta YouTuberen bidezko marketinak gero eta garrantzi handiagoa du.

Zer ekarpen egin diezaioke Flickr-ek nire negozioari?

Flickr irudietan oinarritutako sare soziala da. Onura nagusien artean daude:

• Doan sar daiteke.
• Irudiak eta bideoak hodeian gordetzeko aukera ematen digun sare soziala da.
• Gainera, milaka milioi argazkitara sartzeko aukera izanen dugu.
• Gaiaren arabera sailkatutako 2 milioi taldetara sartzeko aukera.
• Beste erabiltzaile batzuekin fitxategiak partekatzeko aukera ematen digu.
• Iragazkiak eta efektuak erabiliz, gure irudiak editatzeko aukera dugu, bereizmenik handienean.

Zer ekarpen egin diezaioke Instagramek nire negozioari?

• Brandinga eraikitzen eta aberasten laguntzen dizute, enpresaren balio eta irudi guztiak transmititzen eta, horrenbestez, kontsumitzaileen gogoan markaren nabaritasuna
• Webgunerako trafikoa areagotzen du. Webgunerako esteka txerta daitekeenez eta promozioen bidez webgunera trafikoa bidera daitekeenez, errazagoa da jakitea Instagramen erabilitako estrategiek marketin-helburuak lortzen laguntzen duten ala ez.
• Engagement-a areagotzen du. Sare sozialak, funtsean, harremanak dira. Horregatik, enpresei aukera ezin hobea eskaintzen diete haien erabiltzaileekin harreman estuak sortu eta mantentzeko, haiekin elkarreraginean jarduteko eta haiek fidelizatzeko.
• Marka gizatiartu. Irudien eta bideoen bidez, zure enpresak bere markaren alderdirik gizatiarrenak erakutsi eta erabiltzaileekiko konfiantza-maila handitu dezake; esaterako, langileen eguneroko jarduna erakutsiz.
• Audientziari buruzko ezagutza areagotzen du. Instagramek erabiltzaileekin elkarreraginean jarduteko aukera emateaz gain, haien beharrak hobeto ulertzeko aukera ere ematen du; hortaz, erabiltzaileei buruzko ezagutza handiagoak estrategia eraginkorrak garatzeko informazio gehiago izatea dakar.
• Bezero berriak. Instagramek enpresen irismena areagotzen du; horri esker, xede-publikoarengana ez ezik, bezerogai berriengana ere irits daitezke.
• Publizitate-kanpainak. Instagramen plataformak aukera ematen die enpresei ohiko hedabideena baino kostu txikiagoarekin promozioak egiteko, segmentazio hobearekin eta aurrekontuaren gaineko kontrolarekin; horiez gain, emaitzak neurtzeko aukera ere ematen du.

Zer ekarpen egin diezaioke Pinterestek  nire negozioari?

Pinak erabiltzaileentzat interesgarriak diren edukien irudi edo erreferentzia bisualak dira, Interneten nahiz Pinteresten bertan aurkitutakoak. Pinteresten ikusten den Pin bakoitza jatorrizko webgunera estekatuta dago; horrela, informazio gehiago lortu, nola egiten den ikasi edo non erosi jakin daiteke. Pin bat egitea edo pineatzea gure gustuko argazkiak eta ilustrazioak arbel edo taula batean txintxeta birtual baten bidez finkatzea da.

Taulak erabiltzen dira, halaber, Pinak gaien arabera gordetzeko. Horrela, adibidez, erabiltzaileek etorkizunean erabili nahiko dituzten ideiak gorde ditzakete, lagunekin planak egin ditzakete taldeko tauletan, egindako bidaiaren bati mapa bat gehi diezaiekete lekuen tauletan, edo erabiltzaileak berak soilik ikus ditzakeen taula sekretuak sor ditzakete. Ez da beharrezkoa disko gogorrean partekatutako fitxategia edukitzea; izan ere, aplikazioak webgune batetik bertatik ere “pin” bat egiteko aukera ematen du.

Enpresak bere xede-publikoarengana iritsi nahi badu, nahitaezkoa izanen du sare sozialetan marketin-estrategia bat sortzea. Hortaz, saltzeko, bezeroekin harremanetan jarri behar dugu; izan ere, bezeroak gero eta maizago daude Interneten eta sare sozialetan.

Zergatik da garrantzitsua kudeaketa sare sozialetan?

• Erakundearen filosofia xede-publikoari helarazteko.
• Markaren irudia ingurune egokian komunikatzeko.
• Izan ditzakegun bezeroekin harremanak sortzeko eta sendotzeko.
• Negozioaren izen ona linean hobetzeko.
• Linean izen onaren inguruan egon daitezkeen krisiak saihesteko eta kudeatzeko.
• Negozio-aukerak identifikatzeko.
• Influencer edo iritzi-sortzaileekin aliantza estrategikoak sortzeko.
• Erabiltzailea produktuak nahiz zerbitzuak hobetzen inplikatzeko.
• Audientzia esanguratsu bat osatzeko, bai kopuruari, bai kalitateari dagokienez.
• Markarekiko bezeroen konpromisoa areagotzeko.
• Marketin digitalaren estrategia optimizatzeko.

Hedabideen plangintzak kontsumitzailea eta honek publizitatearen hartzaile gisa duen rola ulertzea ditu abiapuntu. Horren arabera, publizitate-mezua iragarlearentzat modu eraginkorrenean eta ahalik eta errentagarrienean helarazteko, hedabide eta euskarri egokienak aukeratzen dira. Laburbilduz, mezua erabiltzaileari non, nola eta noiz helarazi jakitea da, jasoko duen unean ahalik eta modu egokienean jaso dezan.

• Gure branding-a hobetzea (hau da, marka bat eraikitzeko burutzen den prozesua, marka horren izenari edo logotipoari zuzenean edo zeharka lotutako baliabideak kudeatuz) eta gure markaren balioak transmititzea.
• Bezeroei arreta pertsonalizatua eskaintzea.
• Gure xede-publikoa hobeto ezagutzea eta haren beharrak ulertzea.
• Erabiltzaileak gure markaren balioa elkarrekin sortzeko prozesuan inplikatzea.
• Gure ikusgarritasuna areagotzea eta bezero berri izan daitezkeenak erakartzea.
• Sarean dugun izen ona kudeatzea.
• Bezeroak erakartzea eta finkatzea.
• Salmentak handitzera bideratutako gure estrategia indartzea.

Gure jarraitzaileekin sortzen dugun harreman horrek aktiboa, kalitatezkoa eta bi noranzkoa izan behar du. Horretarako, Social Media taldeak eta, zehazki, Community Manager-ak izanen du erabiltzaileekiko elkarrekintza hori lortzeko ardura.

Jarraian, sare sozialetan erabili beharreko gakoetako batzuk azaltzen dira, erabiltzaileak inplikatzeko eta enpresaren sare sozialetako profiletan parte hartzera anima daitezen:

• Kalitatezko edukiak bildu, partekatu eta sortzen direla ziurtatu. Content creator-a (eduki sortzailea) da prozesu horren arduradun profesionala: gai edo interes-eremu jakin bati buruzko informazio garrantzitsua bildu, antolatu eta aurkezten du. Edukia da erregea.
• Edukiak komunitatea kontuan hartuta programatu. Edukiak taldeak kontsumituko dituen unerik egokienean erakutsi, eta ez guri argitaratzea komeni zaigun orduan edo jende askok aldi berean erabiltzen dituen orduetan.
• Nolabaiteko erregulartasunarekin argitaratu. Komunitate baten arrakasta jendeak sare soziala aldian-aldian bisitatzeko eta parte hartzeko ohitura hartzean datza. Mugimenduak mugimendua dakar.
• Mezu positiboak. Mezu positiboak atseginak dira eta horiek jasotzen dituztenak motibatzen laguntzen dute.
• Galdera interesgarriak egin. Erabiltzaileei zuzenean dei egitea formula egokia da komunitatearen parte aktibo senti daitezen. Esaterako, iritzia eskatzen ahal diegu.
• Inklusibo izan. Saiatu gure komunitatearen motibazio-alderdien inguruko parte-hartzea sustatzen, jakin-mina piztu eta horien inguruan ekitaldiak, lehiaketak edo jarduerak antolatu. Erabiltzaileak ekarpenak egitera bultzatu, kideak inplikatuta mantendu eta informazioa trukatzeko ahalik eta bide guztiak eskaini.
• Gure komunitateari lagundu. Kontuan izan behar dugu kide bat gure komunitateko kide izatera iritsi bada, zerbaitek horretara bultzatu duelako izan dela. Bideratzaile izan behar dugu: arrazoi horiek zein diren antzeman, eta berriro etortzeak merezi duela senti dezaten lortu. Eduki erabilgarriak eskaini behar dizkiogu kolektiboari, hausnarketarako bidea emanen dioten edukiak, eta ekitaldien online zein offline zabalkundean lagundu.
• Ahal dela, materialak partekatzeko erabiltzen ditugun formatuak txandakatzea komeni da, monotonia saihesteko:
• bideoak, audioak, infografiak… Hainbat euskarri batera eta aldi berean erabiltzea komeni da; izan ere, multimedia-edukiak askoz ere interaktiboagoak eta interesgarriagoak dira horrela.
• Esperientziak partekatu. Enpresa gizatiarrago egiten eta markari balioa ematen lagundu. Erabiltzailea komunikazio-estrategietan erabat txertatzea ezinbesteko aukera da, inondik ere. Orain, bezeroa kontuan hartzea ez da nahikoa; bezeroarekin batera jardun behar dugu.

Onurak enpresen ikuspuntutik:

• Enpresak merkatu global batera iristeko aukera du, muga geografikoak gaindituz eta merkatu-hobi zein negozio-aukerak identifikatzeko aukera izanik. Horri esker, bezeroei zerbitzu hobea eman dakieke, haiekiko komunikazioa hobetuz.
• Lineako inguruneak enpresei aukera ematen die haien estrategiak denbora errealean egokitzeko eta bezeroen benetako beharretara azkar batean moldatzeko. Esaterako, merkataritza elektronikoko gune batek eskaintzak automatikoki gehitu ditzake salmenten bilakaeraren arabera, edo webgunea bisitatu baina erosketarik egin ez duten erabiltzaileei remarketing-kanpainak egiten ahal dizkie. Gainera, erabiltzailearekiko komunikazioa hobetzeak gorabeherak berehala konpontzeko aukera ematen du.
• Interneti esker, enpresek azken kontsumitzaileari zuzenean saltzeko aukera dute. Horrek onura handia dakarkie ETEei; izan ere, enpresa handiekin lehiatzeko eta beren produktuak edo zerbitzuak publiko zehatzei eskaintzeko aukera ematen die. Hori gertatzen da, neurri handi batean, sarrera-kostuak eta zerbitzua emateko kostuak establezimendu fisikoetan baino txikiagoak direlako.
• Internetek informazio ugari eskuratzeko aukera ematen die enpresei; informazio hori etengabe handitu eta eguneratzen da, eta, behar bezala interpretatuz gero, marketin-estrategiak hobetzen lagun dezake. Kontsumitzailearen jokabidea ezagutzea funtsezkoa da kontsumitzailea ulertu eta bila dabilen hori une egokian eskaintzeko.
• Produktuen erakusketa fisikoarekin lotura duten kostuak desagertu egiten dira; izan ere, normalean produktu gutxiagorekin jarduten baita.
• Internetek aukera ematen du produktuen katalogoa denbora errealean eta kanpaina berean bertan eguneratzeko, kontsumitzaileen eskariaren arabera. Ezaugarri horri esker, katalogoak eguneratzeko eta banatzeko kostua murriztu egiten da, eta prozesatutako eskaerak entregatzeko eta jasotzeko denborak desagerrarazten ditu.
• Bitartekariak desagertu egiten dira, eta horri esker bezeroekiko harremanak sortu, mantendu eta aberastu daitezke, pertsonalizazioaren bidez.
• Internetek tresna eta formatu ugari ditu bezeroekiko komunikazioa hobetzeko.
• Marketin-estrategien bidez, gure webgunea bisitatzen duten baina erosten ez duten erabiltzaileak berreskura ditzakegu.
• Aurrekontuen gaineko kontrol handiagoa ematen du marketin-inbertsioetarako, baita ROIa (inbertsioaren itzulera) kalkulatzeko aukera ere.

Marketin digitalaren abantailak eroslearen ikuspuntutik

• Erosotasuna: erabiltzaileek edozein unetan egin dezakete erosketa, hainbat gailuren bidez, eta, erosketa egin aurretik, beste erabiltzaileen iritziak eta gomendioak kontsulta ditzakete. Beraz, aukera-kostua txikiagoa da, ez baitute denborarik galdu behar erosketa egiteko denda fisiko batera joateko. Denbora oso baliotsua izanen da 2.0 kontsumitzailearentzat.
• Informazio-kantitate handia: erabiltzaileak, klik bakar baten bidez, interesatzen zaizkion produktu edo zerbitzuei buruzko informazio ugari izanen du eskura honako hauei buruz: lehiakideak eta ordezko produktuak, beste erabiltzaileen iritzi positiboak eta negatiboak, foroetako iruzkinak, baita produktu hori erosi duten erabiltzaileen bideo bidezko esperientziak ere.
• Erosleak ez du saltzailearen aldetik denda fisikoetan bezainbesteko presiorik sentitzen; ondorioz, erosketa arrazionalagoak egin ditzake, informazio baliagarria erabiliz eta aukerarik onena hautatuz eta, bidez batez, erosketa konpultsiboak saihestuz.

Digitalizazioak landa-eremuko saltokiei lagun diezaieke haien jarduera operatiboaren eraginkortasuna hobetzen, bezero berriengana online-kanalen bidez iristen, gero eta globalizatuagoa den merkatu batean lehiatzen, diru-sarrerak dibertsifikatzen eta teknologiak tokiko ekonomia-garapenerako eskaintzen dituen aukerak baliatzen.

Landa-eremuko merkataritzaren digitalizazioa da landa-eremuetako merkataritza-jardueretan eta negozio-prozesuetan teknologia digitalak txertatzeko prozesua. Horren barruan sar daiteke kudeaketa, merkaturatzea, salmentak eta bezeroentzako arreta hobetzeko tresna digitalak ezartzea.